只要同男仔睇一場戲，就知道可以unfriend佢，我唔會同佢拍拖！

港女真係好煩.....
呢啲男仔，唔知繼唔繼續做fd好…
[隱藏]
上星期返工，有個識咗幾個月嘅男同事問我得唔得閒睇戲，我問睇乜戲？佢又冇答，但我見翌日係星期日，我淨係中午要去醫生度補蛀牙，其他時間都係hea，所以就承認咗佢。我話陪你去都OK，但大家都係住港島沿線，不如搵返附近戲院啦，佢又唔答…

開始嚟料，佢約我佐敦等，我去到之後又再問去邊睇，之後佢叫我跟住佢就得，然後原來佢係去MK戲院仲要未買tkt，算！唔緊要！就算我去之前你唔講睇邊套戲都算(我當陪同事睇)！但重點係我要用隻腳同佢由佐敦行到去旺角！我問佢，我屋企根本有巴士直達旺角，點解佢唔一早講，佢又唔應我。根本浪費大家時間！(我忍）

由於睇完已經夜，大家都冇食飯就出咗嚟，之後大家去咗醫肚，點知條友入到去話冇現金AA又從來唔會申請信用卡，最後唔洗講…我幫佢碌咗三百蚊(幫你碌唔係問題，問題係點解你帶唔夠錢又要入去食)…
仲有！以下內容我好認真冇老吹，一人一個餐，我都唔明點解等咗十五分鐘個餐到咗，佢仲癲到話「你唔好食」(下？我唔食咁食乜？)，之後就自己叉唒我半份餸(我呆咗)，好嬲(不過都忍住，傻笑就算)…